Arrangement Alpint 2020-2021
Arrangørar av skirenn i alpint 2020-2021 gjennomførte 15. desember eit webmøte om arrangement og smittevern i regi av skikrinsen.
I møtet gjekk ein igjennom informasjon om smittevern i samband med arrangement og drøfta relevante problemstillingar for gjennomføring av skirenn kommande skisesong.
Presentasjon webmøte 15.12.2020
Følgjande punkt vart drøfta i møtet:
- Påmelding av støtteapparat/føresette på førehand via påmelding til rennet i Min idrett (og i tillegg manuell registrering før/under arrangementet)
- Informasjon om smittevern og påmelding i innbydinga, samt at speaker informerer jamleg under arrangementet (døme på innbyding frå krinsrenn langrenn)
- Arrangør skal oppnemne eigen smittevernansvarleg for sitt arrangement (følgje opp smitteverntiltak før og under arrangement, ha dialog med skisenteret osv.)
- Kjøp av heiskort online eller avklare handtering med skisenteret på førehand
- Premieutdeling utandørs
Alle arrangørar skal sette seg inn i Norges Skiforbund sin koronarettleiar - retningslinjer for arrangement sesongen 2020-2021.
Sjå også informasjon frå fnugg.no: - Slik vil korona påvirke vinteren
Sogn og Fjordane Skikrins oppmodar skigruppene til å gjennomføre gode lokale arrangement og aktivitetar kommande vinter.
Skiidretten er ein del av dugnaden for å stoppe koronasmitten, og støttar opp under helsemyndigheitene sitt arbeid for å hindre spreiing. Skiaktivitet skal føregå under mest mogeleg trygge rammer, og det er eit felles ansvar for alle som deltek i aktiviteten om å ivareta smittevernet.