Super finalehelg på Voss

Voss IL laga til ei flott avslutningshelg med laurdagens Parkrennet og søndagens Vestlandske skistemna. Det var god deltaking og spesielt på søndagens Vestlandske skistemna med 175 startande. Sauda IL og Ny von frå Agder og Rogaland skikrets gleda arrangørane med hyggeleg helgebesøk og deltaking på dei to fine renna i Voss ski- og tursenter.

Laurdagen arrangerte Voss IL Parkrennet i åsen. Rennet som gjekk i klassisk teknikk samla 135 deltakarar. 

Resultat parkrennet klassisk teknikk 16. mars 2024  

Søndagen stod Voss IL for det historiske arrangementet Vestlandske Skistemna. Rennet gjekk som renn i friteknikk for alle opp t.o.m 12 år og som skiatlon for 13 år og eldre. 

Vestlandske skistemna friteknikk/skiatlon 17. mars 24

Kretscupen langrenn hordaland med finale

Søndagens renn var også årets siste renn i Kretscupen og var difor finalen for årets cup. Premieutdelinga vart gjennomført rett etter rennet.  

I fjorårs sesongen innførte langrennskomiteen ein fullført-premie for aldersgruppa 8 - 12 år. For fjoråret var det 45 stk. som fullførde 5 individuelle renn. For årets sesong auka dette talet til 52. Desse fekk ei kjekk hodelykt som fullførdpremie for deltakinga. Me satsar på vidare auke til neste år.

 Liste over fullførdpremie 8 - 12 år kretscupen 23-24

For aldersgruppa 13 år og eldre vart det pokalar for dei tre beste i kvar klasse i tillegg til gåvekort frå Endeve sport. Uttrekkspremiar vart trekt i kvar klasse i tillegg. Sjå bilete frå premieutdelinga og dei kjekke utøvarane under. 

Kretscupen samanlagt langrenn hordaland 23/24 

Takk til Recover Nordic som har støtta vår Kretscup også i år. Den støtta har gjort kretscupen til noko ekstra som motiverer til innsats gjennom sesongen for store og små langrennsløparar i kretsen!