Flotte prestasjonar av Ulvedal
Ivar Ulvedal (IL Veten) har gjort det godt i langrennsløypa denne sesongen med flott prestasjonar i nasjonale renn.
17.-19. januar deltok Veten-løparen på Kick The Limits 2020 på Furutangen, eit årleg ope meisterskap for utøvarar med utviklingshemming i langrenn og alpint. Her konkurrerte han i sprint friteknikk og 5 km klassisk.
7.-8. mars deltok Ivar i PMF-lekene 2020 på Selbu, eit landsrenn for utøvarar med utviklingshemming i langrenn. Her konkurrerte han i 100 meter sprint, 3 km friteknikk og 10 km klassisk.
På desse landsrenna er det om lag 100 deltakarar, og i tillegg er det eit kjekt sosialt opplegg.
Ivar er eit flott førebilete for skiidretten i fylket, og skikrinsen håpar at enno fleire lokale para-utøvarar ynskjer å delta både på lokale og nasjonale renn.