Utstyrspakke til skileik
22 skigrupper har fått tildelt utstyrspakke til skileik frå Sogn og Fjordane Skikrins i 2019 og 2020. Utstyrspakkane er kjøpt inn med gåvemidlar frå Sparebanken Sogn og Fjordane og tildelt av Sparebankstiftinga Sogn og Fjordane.
Sogn og Fjordane Skikrins har både i 2019 og 2020 fått tildelt gåvemidlar frå Sparebankstiftinga Sogn og Fjordane til innkjøp av utstyrspakkar til skileik. Gåvemidlane kjem frå overskotet til Sparebanken Sogn og Fjordane, som Sparebankstiftinga Sogn og Fjordane forvaltar.
Tildeling av gåvemidlar i 2019: – Vi ynskjer mange leikande barn på ski
Utstyrspakke til skileik bidreg til å skape variert og morosam aktivitet i skigruppene som triggar basisferdigheiter på ski. Utstyret kan nyttast av alle skigreiner og på tvers av greinene, og kan også nyttast til å skape spennande arrangement.
Med aktivitetsskapande utstyr blir også terskelen lågare for foreldre/føresette å engasjere seg i tilrettelegging av aktivitet, særleg når dei får gode aktivitetstips i bruk av utstyret.
Alle skigruppene kunne i 2019 søke skikrinsen om å få ei utstyrspakke til bruk i sin skiaktivitet. I tillegg til utstyrspakka får skigruppa tilbod om eit besøk frå skikrinsen, der ein får gode aktivitetstips i bruk av utstyret.
Skikrinsen fekk inn 18 søknader i 2019 og følgjande skigrupper har fått tildelt utstyrspakke skileik i 2019 og 2020:
- Breimsbygda IL
- Eid IL
- Fjellhug/Vereide IL
- Førde IL Alpin
- Førde IL Haukedalen
- Førde IL Langrenn
- Hafslo IL Langrenn
- Hardbagg IL
- Haugen IL
- IL Bjørn
- IL Jotun
- Jølster IL Alpin
- Jølster IL Barneidrettsskule
- Jølster IL Langrenn
- Markane IL
- Sogndal IL
- Syril IL
- Årdalstangen IL
I tillegg har Skikrinsstyret tildelt desse skigruppene utstyrspakke i 2020:
- Hornindal IL
- IL Fanaråk
- Stryn T og IL Alpin
- Tambarskjelvar IL
Informasjon er sendt pr. e-post til aktuelle skigrupper/søkjarar.
Skikrinsen håpar utstyrspakka kan vere til nytte i skigruppa sin aktivitet og ynskjer lukke til med aktiviteten kommande vinter!