Sterke prestasjonar i FIS-renn
Under FIS-renn og NM på Ål og Geilo siste veka har alpinutøvarar frå Sogn og Fjordane levert sterke prestasjonar, og Andreas Strand (Jølster IL) og Sindre Myklebust (Sogndal IL) har hevda seg heilt i toppen med pallplassar.
Jølstringen Andreas Strand tok sist måndag sin første NM-bronse under NM i slalåm på Ål og følgte opp med 2. plass i FIS-rennet i slalåm dagen etter.
Sogndølen Sindre Myklebust (18) viste seg verkeleg fram under FIS-rennet i storslalåm på Geilo onsdag med 3. plass, og følgte opp med 10. plass i NM i storslalåm dagen etter.
Fleire av løparane frå Sogn og Fjordane har hevda seg innanfor topp 15 og topp 30 i FIS-renna på Ål og Geilo siste veka.