Foreldrekurs alpint
Norges Skiforbund i lag med Sogn og Fjordane Skikrins inviterar til foreldrekurs i alpint i samband med Fjord1 Young Attacking Vikings i Harpefossen laurdag 19. januar.
Målet med kurset er å skape eit større foreldreengasjement i alpinbakken ved å gjere foreldre tryggare til å bidra i bakken.
Gjennom kurset får ein kompetanse på å:
- tilrettelegge for mykje sjølvstyrt aktivitet med smil og entusiasme
- bruke anlegget meir variert
- tenke nytt, prøve nytt, i forhold til organisering og aktivitetar
Målgruppe: Foreldre/ føresette og andre interesserte. Kurset har låg terskel for deltaking.
Stad: Harpefossen Skisenter, Nordfjordeid
Tid: Laurdag 19. januar 2019, kl. 10.00-16.30
Påmelding eller ein kan møte opp til kursstart.
Kurshaldarar: Einar Witteveen og Atle Rolstadaas, Norges Skiforbund
Kurset er kostnadfritt (heiskort må ein dekke sjølv). Lunsj ordnar deltakarane sjølv.
RAMMEPROGRAM:
10.00-12.00: NSF-aktivitet (Fjord1 Young Attacking Vikings)
- Leik i terreng og aktivitetar
- Parallellslalåm
- Hinderløype
- Balanseløype
- To og to øvingar/aktivitetar/stafettar
NSF stiller med personar som har laga mykje terreng for ulik aktivitet tidlegare. Målet blir å tilpasse og utnytte terrenget for å skape moro og variert aktivitet.
12.00-13.00: Lunsj og teori
- Aktivitetsmoglegheiter – korleis kan de skape moro og variert aktivitet?
13.00-15.00: Foreldrestyrt aktivitet
- Kursdeltakarane får prøve seg i å skape aktivitet og tilrettelegge nye idear
- Støtte trenar og bidra i aktiviteten
- Råd og tips i forhold til å hjelpe ein trenar
- Skli og stikke portar
- Feedback og støtte
15.00-16.30: Teori og diskusjon
- Rekruttering og korleis vi vil ha det i klubben vår
- Kva er viktig for eit godt miljø?
- Korleis ivareta barna si utvikling i eit langsiktig perspektiv?
- Korleis kan vi saman gjere kvarandre betre (kultur)?
- Kva er vesentleg og kva er marginalkultur?
Kontaktinfo:
Ingrid Narum, tlf. 92 60 14 21
Sogn og Fjordane Skikrins