Stor-satsing ved Volda Skisenter!
Nå er det oppstart for Volda T og IL/ Volda Langrenn og Skiskyting sitt veldig spennende anleggsprosjekt! Et Hel-års ski og aktivitetsanlegg med store kuler, doserte svinger og momenter inne på skistadion. Og i 2026 knyttes anlegget til nye rulleskiløyper rundt stadion! Dette blir veldig spennende og følge! Her blir mye artig, variert - og god skiaktivitet/ trening for alle aldre!
Volda Skisenter - Reset v/ Volda T og IL er vår "Pilot" i det tidligere omtalte SKIA-prosjektet i Midt-Norge, som skikretsen er med i sammen med skikretsene i Nord og Sør-Trøndelag.
BAKGRUNN: Volda får eit nytt aktivitetsanlegg for mellom anna skileik og rulleski, som kan nyttast året rundt. Dette er det første av sitt slag i fylket. Anleggsutbygginga er i regi av prosjektet SKIA, som er eit Midt-Norsk samarbeid mellom Norges skiforbund, Norges Cycleforbund, SpareBank 1 SMN, Sparebankstiftinga Søre Sunnmøre, Møre og Romsdal skikrets, Nord-Trøndelag skikrets og Sør-Trøndelag skikrets, Trøndelag fylke og Møre og Romsdal fylke. Volda er plukka ut til å vere ei av pilotbygdene. Det er Volda Turn og Idrettslag Allidrett gjennom undergruppa VTI Langrenn og Skiskyting som skal drive byggeprosjektet på Reset.
OM ANLEGGET: Målet er å skape ein arena som inspirerer barn og unge til å oppleve meistring, utvikling og glede gjennom variert skileik og annan aktivitet. Anlegget blir utforma som ei langrennscross-løype med doserte svingar, haugar, portalar, hopp og kuleløype – eit vinterleg berg- og dalbane-konsept på ski. Løypa skal kunne brukast med lite snø og preparerast maskinelt. Skileiktraséen skal asfalterast og vil difor også fungere som rulleskiløype i sommarhalvåret. Det vert ei fleksibel løysing der ulike delar av løypa kan koplast saman, og det blir lagt til rette for både klassisk og skøyting. Den samla lengda vert om lag 1000 meter. Asfalten vert etter planen lagt vår/sommar 2026.
Med lengre barmarkssesong ser vi at rulleski vert ein stadig viktigare del av langrennssporten. Anlegget på Reset vil difor få stor betydning for å oppretthalde treningstilbodet i dei snøfrie månadane, både for barn, ungdom og vidarekomne utøvarar. I tillegg vil anlegget kunne brukast til andre rullande aktivitetar som sykling og sparkesykling – eit tilbod for leik og aktivitet, også utanfor organisert idrett. Det vil bli knytt kontakt med BUA for utlån av utstyr for aktivitet i anlegget.
Det er entreprenørfirmaet Aurvoll og Furesund som skal bygge anlegget. Planarbeidet er gjennomført av Mulvik AS, som har stått for situasjonsplanar, terrengsnitt og tekniske løysingar. I tillegg har Bystøl AS bidrege med fagleg grunnlag for vegoppbygging spesielt tilpassa utfordrande grunnforhold i området. Marianne Myklebust i Norges Skiforbund har teke del på synfaring i startfasen, og utarbeidd dei første skissene til prosjektet.
Kostnadane for prosjektet er om lag 4,5 millionar kroner. Start vert i veke 35/36 med atterhald om byggeløyve frå Volda kommune.
BIDRAGSYTARAR: VTI rettar ein stor takk til viktige bidragsytarar som gjer dette prosjektet mogleg: Sparebankstiftinga Søre Sunnmøre, Magne Haugens minnefond, Møre og Romsdal Fylke og Norges Skiforbund har gitt avgjerande økonomisk støtte til anlegget. Ein særskilt takk går til hovudsponsor SpareBank 1 SMN for ei stor støtte, og deira si langsiktige satsing på barn, unge og idrettsglede.
