Kretstinget vel gjennomført
Onsdag 21. mai gjennomførte Hordaland skikrets sitt kretsting. Skipresidenten var med oss denne kvelden der nye tillitsvalde kom inn og nokre takka for seg, deriblant vår gode leiar gjennom dei siste 8 år. Velfortent heider vart også delt ut gjennom våre prisar.
Skikretsen gjennomførte Kretstinget på vårt nye Idrettens hus i Bergen, der alpint og langrenn i forkant også heldt sine fagmøter.
Me var så heldige at Skipresident Tove Moe Dyrhaug var med oss under Kretstinget denne kvelden, og etter å ha kome med ei helsing, så var ho med oss under tinggjennomføringa til endes.
Protokoll og oppdaterte saksdokument vert lagt ut under fana "om skikretsen" når desse er klar. Referat og oppdateringar frå fagmøta vert sendt ut til klubbane.
HEIDERSPRISAR
Følgande prisar vart tildelt ut under kretstinget:
Utøvarprisen 2025:
Madeleine Sylvester-Davik Tertnes alpin vart som siste års junior utteken på landslaget og gjennomførte sin debutsesong her med deltaking under VM i alpint og debuterte i WC med 16. og 20. plass i storslalåm. Under NM vart det bronse i storslalåm for Madeleine, som det vert spennande å følgje framover!
Utøvarprisen 2025:
Peder Palmstrøm Hald Fana IL for 2 gull og 4. plass under vinterens Special Olympics world wintergames. Ein velfortent pris for ein hardtsatsande utøvar som har gjennom mange år vore Norges beste alpinist i sin klasse.
Årets skiklubb 2025:
Ulvik IL: Laget har laga nytt langrennskrossanlegg gjennom dei siste 3 åra og har skapt eit stort og godt aktivitetstilbod i anlegget med tilrettelegging for aktivitet gjennom heile året. Dei er innovative og engasjerer både skule, foreldre og ungane gjennom sine tilbod og inviterer skikretsen til arrangement kvar vinter.
Heiderspris Hordaland skikrets:
Odd Inge Austevoll Framnes IL for hans innsats gjennom over 20 år for Framnes IL som leiar, trenar og tilretteleggjar. Hans bidrag for telemarksporten gjennom trenergjerning, regelansvarleg og portdommaransvar og for Odd Inge sine leiarverv for store meisterskaparrangement i Telemark. Odd Inge har gjort mykje for mange, over mange år!
Vel fortente prisar under kretstinget. f.v. Johan Børsheim kretsleiar, Tove Moe Dyrhaug Skipresident. bak f.v. Heidersprisvinnar Odd Inge Austevoll, Martin Sylvester-Davik (som tok i mot utøvarprisen 2025 for datter Madeleine), Peder Palmstrøm Hald (utøvarprisen 2025), Åsa Granqvist og Torkjell Lunde Børsheim begge Ulvik IL (mottakarar av Årets skiklubb 2025)
VAL HORDALAND SKIKRETS
Under Kretstinget vart det gjennomført val der nye medlemmar av styre og komitear vart valde. Nokre verv vil styret ta ansvar for å fylle i perioden framover.
Skikretsen takkar for den viktige innsatsen til dei som nå avsluttar sine verv har gjort for skikretsen. Me er heldige som har hatt så dyktige og engasjerte folk i våre tillitsverv.
Me må spesielt nemne Johan Børsheim, vår leiar dei siste 8 åra. Når han nå avsluttar sitt verv, så har han gjort ein betydeleg innsats for skikretsen gjennom desse åra. Han har vore ein fanebærar for oss i viktige saker me har arbeida for. Me kan nemne både rekrutteringsarbeidet generelt, anleggsutvikling og skiklubbutviklarprosjektet som han har vore ein iherdig pådrivar for. Skikretsen vil ta med seg uttrykk som "nærleik til arena" og "gje dei unge ein god start i livet" som noko av det du legg igjen av verdiar og som me vil inspirerast vidare på. Johan har vore ei viktig og tydeleg stemme i idrettspolitikken både regionalt og nasjonalt i fleire viktige saker for skikretsen, i dialog med kommunar, fylke og idrettsforbundet. Det har vore avgjerande i fleire konkrete saker for oss.
Tusen takk !
Skipresident Tove Moe Dyrhaug, Avtroppande leiar Johan Børsheim og Ny leiar Fredrik Hald under kretstinget i Bergen 21. mai.
Slik ser det nye styret med komitear ut når me nå legg ut på reisa 2025-27:
Skikretsstyret
Leiar Fredrik Hald Bergen skilag
Nestleiar Siri Titland Martinsen Fana IL
Medlem Øistein Jensen Fana IL
Medlem Steinar Røthe Voss IL
1.Vara
2.Vara Morten Føyen Stord IL
Leiar AK Bård Seterås Fana IL
Leiar LK Trond Lefdal Fana IL
Leiar FK Andre Hole Voss freestyleklubb
Kontaktp. Arnfinn Gjerstad Bulken IL
Alpintkomiteen
Leiar AK Bård Seterås Fana IL
Medlem Knut Kettermann Ørnar IL
Medlem Cathrine Spook Odda IL
Medlem Stian Kreken Almeland Samnanger IL
Medlem Knut Rokne Hanestad Tertnes Alpin
Langrennskomiteen
Leiar Trond Lefdal Fana IL
Medlem Jostein Hagen IL Korlevoll-Odda
Medlem Kjersti Helle Fana IL
Medlem Eivind Maurseth Blindheim Bulken IL
Medlem Jan Erik Guldbrandsen TIF Viking
Freestylekomiteen
Leiar Andre Hole Voss freestyleklubb
Medlem Hilbjørg Arntzen Merkesdal Bergen freestyleklubb
Hopp og kombinertkomiteen
Kontaktperson Arnfinn Gjerstad Bulken IL
Kontrollkomite
Medlem Øyvind Gaute Berg Stord IL
Valkomite
Medlem Kjersti Brattebø Osterøy IL
Medlem Elisabeth Schilbred Eriksen Tertnes alpin
Me gledar oss til ny tingperiode for Hordaland skikrets med slike gode folk!