Vil du vere skiklubbutviklar?
Sogn og Fjordane skikrins søkjer etter ny medarbeidar som skal medverke til å få endå fleire glade, motiverte og gode skiløparar – i alle aldrar. Søknadsfrist 6. mars!
Sogn og Fjordane skikrins søkjer etter ein ny medarbeidar som skal medverke til å utvikle skikrinsen sine klubbar og trenarar for at vi skal få endå fleire glade, motiverte og gode skiløparar – i alle aldrar.
Skikrinsane er organisasjonsleddet mellom Norges Skiforbund og skiklubbane. Skikrinsane har aktivitetar innanfor våre seks greiner: alpint, hopp, kombinert, langrenn, freestyle og telemark.