Hopp til innhold

Langeland Skisenter.

SSF KM Klassisk

SSF KM Klassisk søndag 28. februar, som opphaveleg skulle avviklast på Ullsheim med Eid IL/Markane IL som arrangør, vert flytta til Langeland med Førde IL/Gaular IL som arrangør. SSF KM Sprint er utsett. Informasjon er oppdatert 25.02.2021 kl. 12.00.

Dei rådande forholda på Ullsheim, samt værmeldingar fram mot helga, gjer at det ikkje blir forsvarleg å avvikle renn på Ullsheim laurdag/søndag.

Førde IL/Gaular IL tek over SSF KM Klassisk og avviklar rennet på Langeland søndag 28. februar. Arrangementet inngår i SSF Cup for rekrutt (11-16 år) og junior.

SSF KM Sprint F er utsett.

Innbyding

Som følgje av situasjonen med covid-19 vert arrangementet avvikla i to puljar.

  • Start pulje 1 kl. 12.00 (10 år og yngre)
  • Start pulje 2 kl. 13.00 (11 år og eldre)

Påmelding - info. Påmeldingsfrist er fredag 26. februar kl. 23.59.

  • Merk at renna kun er ope for deltaking for utøvarar i juniorklassane og yngre årsklassar. Jf. gjeldande smitteverntiltak for idretten og skiidretten - sjå Norges Skiforbund sin koronarettleiar.
  • Støtteapparat og føresette må også melde seg på rennet på førehand gjennom rennpåmelding i Min idrett. Meld på i klasse «Støtteapparat og føresette".

Smittevern:
Arrangør vil gjer sitt ytterste for å få til ei så god og trygg gjennomføring av arrangementet som mogleg. Føresetnaden for at ein kan arrangere rennet er at alle følgjer utarbeida reglar og rutinar for smittevern.

  • Har du symptom på luftvegsinfeksjon og covid-19 skal du ikkje møte opp på arrangementet.
  • Ein oppmodar om at alle praktiserar god handhygiene.
  • Alle skal halde avstand – hugs regelen om 1 meter avstand.
  • Det er ikkje høve til å opphalde seg inne i skihytta eller arenabygget.
  • Alle (funksjonærar, deltakarar og føresette) må registrere seg med bruk av NIF sin qrona-app (https://qrona.nif.no/login-or-checkin) ved ankomst skisenteret.
NIF-EPI02, 02
NTB