Sterk innsats på Blinkfestivalen
Dei to Team Vest-løparane Gjøran Tefre (Førde IL) og Jon Rolf Skamo Hope (Hyen IL) viste solid form med sterke prestasjonar på rulleski under Blinkfestivalen i helga.
Hope gjekk inn til ein sterk 4. plass under torsdagens Lysebotn Opp med 7,5 km motbakke i friteknikk.
Fredag viste Tefre seg fram i sprint friteknikk der han tok seg heilt til ein finale. I finalen fekk han tøff motstand frå Johannes Høsflot Klæbo, og det vart ein sterk 2. plass i konkurranse med dei beste norske løparane.
Laurdag vart Hope nr. 9 og Tefre nr. 11 under 15 km klassisk intervallstart.