Ny 1. plass til Andrine
Andrine Mårstøl held fram med solid køyring og tok ein ny seier i FIS-renn i helga.
Laurdag vann Haugen-løparen slalåmrennet under FIS Hakadal.
Fredag kom ho direkte frå junior-VM i Italia og køyrde inn til ein 4. plass i slalåm i FIS Kirkerud.
Blant herrane køyrde sogndølen Sindre Myklebust inn til ein sterk 20. plass i laurdagens FIS-renn, med jølstringen Jørgen Aarøen Taklo på plassen bak. Taklo viser stabil køyring og vart nr. 30 og nr. 31 i slalåmrenna i FIS Hakadal torsdag og fredag.
Måndag 25. og tysdag 26. februar fortset FIS-løparane "Oslo-runden" med renn i Wyller.