Trym tatt ut til Ungdoms-OL
Trym Dalset Lødøen (Haugen IL) skal representere Noreg under Ungdoms-OL i Lausanne til vinteren.
17-åringen er ein av to utøvarar innan randonee som er tatt ut til vinter-OL for ungdom, som vert arrangert i Lausanne i Sveits frå 9. til 22. januar 2020.
Lødøen var suveren i juniorklassen under norgescupopninga i Myrkdalen i helga, som fungerte som uttak for ungdoms-OL i januar.
Det er første gongen randonee står på OL-programmet.
Ungdoms-OL:
Ungdoms-OL (Youth Olympic Games) vert arrangert for tredje gong som vinterleikar (2012 i Innsbruck og 2016 på Lillehammer). Meisterskapet er organisert av den Internasjonale olympiske komité og er ope for utøvarar frå 15 til 18 år.
Les også ei nettsak på Fri Flyt: - Dette er Norges første OL-deltakere i randonee