Sindre tatt ut til Ungdoms-OL
Sindre Myklebust (Sogndal IL) er tatt ut til Ungdoms-OL i Lausanne i januar.
17-åringen er ein av tre mannlege utøvarar som er tatt ut til å konkurrere i alpint under Ungdoms-OL (YOG) som vert arrangert i Lausanne i Sveits 9.-22. januar 2020.
Sogndølen blir dermed den andre skiløparen frå Sogn og Fjordane som skal representere Noreg under Ungdoms-OL, då også Trym Dalset Lødøen (Haugen IL) er tatt ut og skal delta i randonee.
Troppen til Noreg tel totalt 55 utøvarar frå 13 disiplinar.