Forlenga avtale med Sparebanken Vest
Måndag 14. mai signerte Sparebanken Vest og Sogn og Fjordane Skikrins Alpint ei ny tre-årig samarbeidsavtale på skikrinsen sitt Vårmøte på Skei.
Samarbeidsavtalen med Sparebanken Vest er med å skape ein større grad av forutsigbare og gode rammer for alpinsporten i fylket. Avtalen er avgjerande for at skikrinsen kan legge til rette for ein omfattande samlingsaktivitet i fylket, og bidreg til å skape meir og betre lokal alpinbasert aktivitet.
Med fleire lokale samlingar reduserer ein kostnadane for utøvarane, ein får sterkare lokal tilknyting og eit betre tilbod i høve breidde og satsing. Sogn og Fjordane Skikrins ser på dette som avgjerande for utviklinga innanfor alpint i fylket.
Sparebanken Vest har vore hovudsponsor til Sogn og Fjordane Skikrins Alpint sidan 2015. Den nye avtalen sikrar samarbeid mellom partane ut 2021.
Relaterte saker:
Slik utnyttar dei siste rest av snøen