Solan Gundersen
Tre unge lovande hopparar frå Sogn og Fjordane deltok i helga på Solan Gundersens Vinterleikar i hopp og kombinert i Alvdal.
Solan Gundersens Vinterleikar vert arrangert for utøvarar i aldersgruppa 12-14 år frå heile landet.
Johannes Årdal (Jølster IL), Torje Seljeset (Markane IL) og Bård Inge Wangensteen Fredheim (Hafslo IL) gjorde sine saker svært bra.
I kombinert fredag vart Torje nr. 5 i gutar 13 år, medan Johannes følgte opp med ein 9. plass i gutar 14 år.
Laurdag var det duka for spesial hopprenn, og her vart det ein sterk 3. plass til Johannes i K45. Torje og Bård Inge følgte opp med henholdsvis 18. og 20. plass i K35.
Helga vart avslutta med laghopp søndag der dei tre gutane deltok på mixlaget til Sogn og Fjordane.
Resultatlister finn ein på Solan Gundersens Vinterleikar 2018