Reservasjon av innkvartering
Sogn og Fjordane Skikrins reserverar eit stipulert tal overnattingsplassar i samband med meisterskap og norgescuprenn i langrenn. Det er reservert overnatting samla for heile krinsen (løparar, støtteapparat, klubbleiarar og føresette) slik at vi oppnår gunstige prisar, samstundes er det positivt at alle frå krinsen bur samla.
Bestillingsfristar, avbestillingsfristar og øvrige rammevilkår blir sett av kvar einskild overnattingsstad.
Merk at alle bestillingar er bindande. Ved forfall må løpar/ føresett nytte seg av eiga reiseforsikring ved eventuell refusjon.
Ved hotell o.l. skjer oppgjeret direkte mellom overnattingsstaden og utøvaren evt. etter nærare avtale.
Ved reiser til meisterskap og norgescup-renn i sør Norge ordnar løparar, støtteapparat, klubbleiarar og føresette transport sjølve. Når det er behov for flyreise, t.d. i samband med arrangement i nord Norge ordnar krinskontoret transport.
Med venleg helsing
Sogn og Fjordane Skikrins
Yngve Thorsen (s)
adm. sjef